აშშ-ის სენატი კრიპტობაზრის ახალი წესების კანონპროექტს განიხილავს
აშშ-ის სენატში კრიპტობაზრის რეგულირების შესახებ CLARITY Act-მა განხილვის გასაგრძელებლად საჭირო 60 ხმა ვერ მოაგროვა. კანონპროექტს 50 სენატორმა დაუჭირა მხარი, 49-მა კი წინააღმდეგ მისცა ხმა.
CLARITY Act ციფრული აქტივების ბაზრისთვის ერთიანი წესების შემოღებას ითვალისწინებს და განსაზღვრავს, როგორ გადანაწილდება ამ სფეროს ზედამხედველობა ამერიკულ მარეგულირებლებს შორის. კენჭისყრამდე რესპუბლიკელებმა კანონპროექტში რამდენიმე ცვლილება შეიტანეს, რათა ბანკებისა და დემოკრატების ნაწილის შენიშვნები გაეთვალისწინებინათ.
ერთ-ერთი სადავო საკითხი საჯარო თანამდებობის პირების კრიპტოაქტივებს ეხება. განახლებული ვერსიის მიხედვით, მათ მნიშვნელოვანი წილების გაყიდვა ან აქტივების დამოუკიდებელი მმართველისთვის გადაცემა მოუწევდათ. დემოკრატების ნაწილისთვის ეს შეზღუდვები საკმარისი არ აღმოჩნდა.
კანონპროექტს საბანკო სექტორშიც ეწინააღმდეგებიან. ბანკები შიშობენ, რომ სტეიბლკოინებზე მომხმარებლებისთვის შეთავაზებულმა შემოსავალმა შესაძლოა საბანკო დეპოზიტებიდან თანხის გადინება გამოიწვიოს და ბანკების მიერ სესხების გაცემაზეც იმოქმედოს. კრიპტოინდუსტრიის წარმომადგენლები კი კანონპროექტის მიღებას მხარს უჭერენ.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
