აშშ-სა და ვიეტნამის კომპანიები რამდენიმე მსხვილ შეთანხმებას გააფორმებენ

ამერიკული და ვიეტნამური კომპანიები ენერგეტიკის, ავიაციის, ტექნოლოგიებისა და ფინანსების სფეროში რამდენიმე შეთანხმების გამოცხადებას გეგმავენ. აღნიშნული ეხება 29 შეთანხმებას, რომლებიც ვიეტნამის ლიდერის, To Lam-ის ნიუ-იორკში ვიზიტის პერიოდში შეიძლება გაფორმდეს.

ენერგეტიკის მიმართულებით შეთანხმებებზე Chevron, ExxonMobil და Murphy Oil მუშაობენ. მათი პარტნიორები ვიეტნამის სახელმწიფო ენერგეტიკული კომპანიები იქნებიან.

ავიაციის სფეროში Vietjet 22 თვითმფრინავის იჯარით აღებას გეგმავს. კომპანია SpaceX-თანაც ამზადებს შეთანხმებას, რომლის მიხედვითაც Starlink-ის სატელიტური ინტერნეტი 120 თვითმფრინავში გახდება ხელმისაწვდომი.

ტექნოლოგიურ შეთანხმებებს შორისაა Meta-ს თანამშრომლობა ვიეტნამის კულტურის სამინისტროსთან და Qualcomm-ის შეთანხმება სახელმწიფო სატელეკომუნიკაციო კომპანია VNPT-სთან. Visa, Mastercard და Citibank კი ფინანსურ სექტორში ახალ პარტნიორობებს ამზადებენ.

შეთანხმებების გამოცხადება 23 სექტემბერს დაგეგმილ ბიზნესკონფერენციაზეა მოსალოდნელი და ემთხვევა აშშ-სა და ვიეტნამს შორის მიმდინარე სავაჭრო მოლაპარაკებებს.

წყარო: Investing.com