აშშ-ში ინფლაციის ზრდა პროგნოზზე დაბალი აღმოჩნდა

აშშ-ში აგვისტოს ინფლაცია პროგნოზზე დაბალი აღმოჩნდა. ამ მონაცემების შემდეგ Fed-ს ოქტომბრის შეხვედრამდე მეტი დრო ექნება, რათა გადაწყვიტოს, საჭიროა თუ არა საპროცენტო განაკვეთის კიდევ გაზრდა.

Fed-ისთვის მთავარი ინფლაციური მაჩვენებელი, PCE ინდექსი, ერთ თვეში 0.3%-ით გაიზარდა. ეკონომისტები 0.4%-იან ზრდას ელოდნენ. წლიურმა ინფლაციამ 3.4% შეადგინა.

სურსათისა და ენერგიის გარეშე გამოთვლილი საბაზისო მაჩვენებელი თვიურად 0.2%-ით, წლიურად კი 3%-ით გაიზარდა. ფასებზე ყველაზე დიდი გავლენა ბენზინის 4.4%-იანმა გაძვირებამ მოახდინა. სურსათის ფასები არ შეცვლილა.

მომხმარებელთა ხარჯები აგვისტოში 0.9%-ით გაიზარდა, მიუხედავად იმისა, რომ ფასები და საპროცენტო განაკვეთები კვლავ მაღალია.

Fed-მა სექტემბერში საპროცენტო განაკვეთი სამი წლის განმავლობაში პირველად გაზარდა და მისი დიაპაზონი 3.75%-4% გახდა. წლის ბოლომდე განაკვეთის კიდევ ერთხელ გაზრდა კვლავ შესაძლებელია.

წყარო: Reuters