ბიტკოინისა და ეთერიუმის ფასები მკვეთრად შემცირდა
კრიპტოვალუტის ბაზარზე ტრეიდერები აქტივების კიდევ უფრო მეტ გაუფასურებას პროგნოზირებენ.
ბოლო ერთი თვის განმავლობაში ბიტკოინის (BTC) ფასი 23%-ით დაეცა და 59 511 დოლარამდე შემცირდა. ანალოგიური ვითარებაა ეთერიუმის (ETH) შემთხვევაშიც, რომლის ღირებულებაც 30 დღეში 25%-ზე მეტით შემცირდა და 1 576 დოლარი შეადგინა. პროგნოზების მიხედვით, ბიტკოინის ფასი შესაძლოა 55 000 დოლარამდე, ხოლო ეთერიუმის - 1 500 დოლარამდე შემცირდეს.
ანალიტიკოსების განმარტებით, ბაზარზე არსებული ნეგატიური განწყობა რამდენიმე ფაქტორითაა განპირობებული. ერთ-ერთი მთავარი მიზეზი კომპანია MicroStrategy-ის აქციების (MSTR) მკვეთრი გაუფასურებაა. ინვესტორები შიშობენ, რომ კომპანია იძულებული გახდება, ბიტკოინის საკუთარი რეზერვები გაყიდოს, რაც ფასებზე დამატებით ზეწოლას ახდენს. ბაზარზე გავლენას ახდენს მაკროეკონომიკური ფაქტორებიც - მზარდი ინფლაცია და საპროცენტო განაკვეთების შესაძლო ზრდა.
ამჟამად ბიტკოინის ღირებულება ისტორიული მაქსიმუმიდან 53%-ითაა შემცირებული, ხოლო ეთერიუმის ფასი 68%-ით ჩამორჩება მის უმაღლესს მაჩვენებელს. არსებობს ალბათობა, რომ წლის ბოლომდე ბიტკოინი 40 000 დოლარზე, ხოლო ეთერიუმი 1 000 დოლარზე დაბლა დაეცეს. ბაზარზე მიიჩნევენ, რომ ეთერიუმის ვარდნა, დიდწილად, ბიტკოინის კრიზისით გამოწვეული ჯაჭვური რეაქციაა.
წყარო: Yahoo Finance
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
