Blackstone AWS-ის პროექტების 75%-ს $5 მილიარდად შეიძენს

Blackstone Amazon Web Services-თან დაკავშირებულ მონაცემთა ცენტრების ორ პროექტში 75%-იან წილს დაახლოებით 5 მილიარდ დოლარად შეიძენს.
პროექტები AWS-ის მონაცემთა ცენტრების ორ დიდ კომპლექსში 13 ახალ შენობას მოიცავს. Amazon დარჩენილ 25%-ს შეინარჩუნებს და შენობებს თავად გამოიყენებს.
Amazon შენობებს თავდაპირველად 12 წლით იქირავებს. შეთანხმების გაგრძელების შემთხვევაში კი მათი გამოყენება მთლიანობაში 32 წლამდე შეეძლება. შენობების მოვლისა და მუშაობასთან დაკავშირებული ხარჯების დიდი ნაწილიც Amazon-ს დაეკისრება.
Blackstone-ისთვის ასეთი პროექტების მთავარი უპირატესობა გრძელვადიანი და შედარებით სტაბილური შემოსავალია. მონაცემთა ცენტრებზე მოთხოვნა განსაკუთრებით გაიზარდა ხელოვნური ინტელექტის სწრაფი განვითარების ფონზე, რადგან ტექნოლოგიურ კომპანიებს სულ უფრო მეტი გამოთვლითი რესურსი სჭირდებათ.
გარიგების დასრულება 2026 წლის მეოთხე კვარტალში იგეგმება.
წყარო: Yahoo Finance
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.





