Blackstone და კანადური ფონდები LNG Canada-ში $3.1 მილიარდის ინვესტირებას გეგმავენ

Blackstone და კანადის ოთხი მსხვილი საპენსიო ფონდი LNG Canada-ს პროექტში 3.1 მილიარდი დოლარის ინვესტირებას გეგმავენ. ისინი Mitsubishi-ს ჰოლდინგურ კომპანიაში 49.9%-იან წილს შეიძენენ. ამ კომპანიას LNG Canada-ში 15% ეკუთვნის.

Mitsubishi-მ პროექტში საკუთარი წილი დაახლოებით 1.6 მილიარდ დოლარად შეაფასა. დარჩენილი თანხა LNG Canada-ს გაფართოებას მოხმარდება. მეორე ეტაპის დასრულების შემდეგ საწარმო წელიწადში 28 მილიონ ტონა თხევად ბუნებრივ აირს აწარმოებს, რაც დღევანდელ მოცულობაზე ორჯერ მეტია.

პროექტს Shell ხელმძღვანელობს და პირველი ეტაპი 2025 წლის ივნისში ამოქმედდა. გაფართოების შემდეგ Mitsubishi-სთვის განკუთვნილი თხევადი ბუნებრივი აირის მოცულობა წელიწადში 2.1 მილიონიდან 4.2 მილიონ ტონამდე გაიზრდება.

Blackstone-თან ერთად გარიგებაში CPP Investments, OMERS, IMCO და PSP Investments მონაწილეობენ. Mitsubishi პროექტში დარჩება და კლიენტებთან არსებულ შეთანხმებებსაც შეინარჩუნებს. გარიგების დასრულება ნოემბერში იგეგმება.

წყარო: Reuters