BMW ხარჯების შემცირებას და ახალი მოდელების გამოშვებას გეგმავს

BMW-მ ახალი გეგმა წარადგინა. კომპანია ორ ახალ მოდელს გამოუშვებს, მენეჯერული პოზიციების რაოდენობას შეამცირებს და ჩინეთის ბაზარზე მუშაობის სტრატეგიას შეცვლის.

BMW 2028 წლიდან ევროპაში შედარებით ხელმისაწვდომ ელექტრომობილს გამოუშვებს. აშშ-ის ბაზრისთვის კი ახალი პრემიუმ SUV-ს ამზადებს.

ჩინეთში BMW ადგილობრივ წარმოებას გაზრდის და ავტონომიური მართვისა და პროგრამული უზრუნველყოფის მიმართულებით ჩინურ კომპანიებთან თანამშრომლობას გააფართოებს.

2027 წლის შუა პერიოდამდე BMW განყოფილებებისა და მენეჯერული პოზიციების რაოდენობას 20%-ით შეამცირებს. გერმანიაში ცალკე მიმდინარე პროგრამა დაახლოებით 8,000 სამუშაო ადგილს შეეხება. კომპანია ხელოვნური ინტელექტის გამოყენებით გადაწყვეტილებების მიღების პროცესის დაჩქარებასაც გეგმავს.

BMW-ის საავტომობილო ბიზნესის მოგების მარჟა ბოლო მონაცემებით 2.3%-ს შეადგენს. კომპანიას სურს, 2028 წლისთვის ეს მაჩვენებელი 3%-5%-მდე გაზარდოს, მომდევნო ათწლეულის დასაწყისში კი 8%-10%-ს დაუბრუნდეს.

ცვლილებების მიზეზი ჩინეთში გაყიდვების შემცირება, აშშ-ის ტარიფები და მოგების პროგნოზის რამდენჯერმე გაუარესება გახდა.

წყარო: Reuters