ბრაზილიაში ნავთობის მოპოვებამ ისტორიულ მაქსიმუმს მიაღწია

ბრაზილიაში ნავთობის მოპოვებამ ივნისში რეკორდულ ნიშნულს მიაღწია. წარმოების ზრდა მსოფლიო ბაზარზე იმ დანაკარგების ნაწილობრივ შევსებას უწყობს ხელს, რომლებიც ახლო აღმოსავლეთში ნავთობის მიწოდების შეფერხებამ გამოიწვია.

ქვეყნის ნავთობის, ბუნებრივი აირისა და ბიოსაწვავის ეროვნული სააგენტოს მონაცემებით, ნედლი ნავთობის მოპოვება წინა წლის ანალოგიურ პერიოდთან შედარებით 19%-ით გაიზარდა და დღეში 4.5 მილიონ ბარელს მიაღწია.

ნავთობისა და ბუნებრივი აირის საერთო წარმოებამ კი დღეში 5.8 მილიონი ბარელი შეადგინა. აღნიშნულში მთავარი წვლილი სახელმწიფო კომპანია Petrobras-ს მიუძღვის, რომელზეც ქვეყნის ნავთობის მოპოვების 87% მოდის. კომპანია ღრმაწყლოვან საბადოებზე წარმოებას აფართოებს, მათ შორის ბუზიოსის საბადოზე, რომელიც ბრაზილიაში მოპოვებული ნავთობის მოცულობით პირველ ადგილზეა.

ივნისის რეკორდის შემდეგ წარმოება მცირედით შემცირდა, თუმცა ნავთობისა და ბუნებრივი აირის საერთო დღიური მოცულობა კვლავ 5 მილიონ ბარელზე მეტია.

წყარო: Investing.com