Broadcom Anthropic-ს $42 მილიარდამდე დაფინანსებას სთავაზობს

Broadcom-მა Anthropic-ს 42 მილიარდ დოლარამდე დაფინანსება შესთავაზა. მიზანი ხელოვნური ინტელექტის სისტემებისთვის საჭირო ტექნოლოგიებსა და Broadcom-ის დახმარებით შექმნილი ჩიპების გამოყენებაა. ინფორმაცია Anthropic-ის ბირჟაზე გასასვლელად მომზადებულ დოკუმენტებში გამოჩნდა.

ეს თანხა ნაწილობრივ დაფარავს Anthropic-ის ხარჯებს, რომლებიც Google-ის TPU ჩიპების გამოყენებას უკავშირდება. კომპანიას მომდევნო ხუთი წლის განმავლობაში ამ მომსახურებისთვის ჯამში 125.2 მილიარდ დოლარამდე აქვს გათვალისწინებული. Broadcom-ისგან მიღებული სესხი მომავალში შესაძლოა Anthropic-ის აქციებადაც გადაიქცეს.

Broadcom Anthropic-ის ერთ-ერთი მნიშვნელოვანი ტექნოლოგიური პარტნიორია. 2027 წელს Anthropic შესაძლოა Broadcom-ის ჩიპების ბიზნესის უმსხვილესი კლიენტიც გახდეს.

Anthropic დოკუმენტებში შესაძლო ინტერესთა კონფლიქტზეც მიუთითებს. Broadcom-ის მიერ დაწესებულმა ფასებმა და სხვა გადაწყვეტილებებმა შესაძლოა გავლენა მოახდინოს იმაზე, რა ფასად და რა მოცულობით მიიღებს Anthropic მისთვის საჭირო ტექნოლოგიურ რესურსებს. Broadcom-სა და Anthropic-ს კომენტარი არ გაუკეთებიათ.

წყარო: Reuters