DoorDash Instacart-ს $17 მილიარდად შეიძენს

DoorDash-ი სასურსათო პროდუქტების მიტანის პლატფორმა Instacart-ს 17 მილიარდ დოლარად შეიძენს. გარიგება კომპანიას სასურსათო პროდუქტების მიტანის ბაზარზე მნიშვნელოვნად გააძლიერებს, თუმცა მის დასრულებამდე აშშ-ის მარეგულირებლების თანხმობა იქნება საჭირო.

YipitData-ს მონაცემებით, გასულ წელს რესტორნების, მაღაზიებისა და სხვა საცალო ობიექტებიდან მიტანის შეკვეთების 65.1% DoorDash-ზე მოდიოდა. Uber Eats-ის წილი 25.8% იყო, Instacart-ის კი 9.1%.

მარეგულირებლების ყურადღების ცენტრში იქნება როგორც კონკურენცია და ფასები, ისე მომხმარებლების მონაცემების გამოყენება. Instacart-ს გასულ წელს უკვე ჰქონდა შემთხვევა, როდესაც ერთსა და იმავე პროდუქტზე სხვადასხვა მომხმარებელს განსხვავებულ ფასს აჩვენებდა.

DoorDash, სავარაუდოდ, შეეცდება დაამტკიცოს, რომ მისი კონკურენტები მხოლოდ მიტანის პლატფორმები არ არიან და იმავე ბაზარზე Walmart, Amazon და Target-იც მუშაობენ. მიუხედავად ამისა, გარიგების მთავარი დაბრკოლება სწორედ ანტიმონოპოლიური შემოწმება იქნება.

წყარო: Reuters