EQT Range Resources-ს $13 მილიარდად შეიძენს

ამერიკული ენერგეტიკული კომპანია EQT კონკურენტ Range Resources-ს 13 მილიარდ დოლარად შეიძენს. გარიგების დასრულების შემდეგ EQT აშშ-ში ბუნებრივი აირის ყველაზე დიდი მწარმოებელი გახდება. გაერთიანებული კომპანიის საერთო ღირებულება 50 მილიარდ დოლარს გადააჭარბებს.

გარიგება აქციებით განხორციელდება. Range Resources-ის აქციონერები თითო აქციის სანაცვლოდ EQT-ის 0.987 აქციას მიიღებენ. ეს Range-ის ერთ აქციას 54.91 დოლარად აფასებს, რაც გარიგების გამოცხადებამდე არსებულ ფასზე 20.6%-ით მეტია.

გაერთიანებული კომპანიის ბუნებრივი აირის დღიური წარმოება 9 მილიარდ კუბურ ფუტს გადააჭარბებს. მის საკუთრებაში იქნება თითქმის 3 მილიონი აკრი მიწა და 3,700 მილის სიგრძის ინფრასტრუქტურა. EQT-ის შეფასებით, არსებული მარაგები კომპანიას ბუნებრივი აირის მოპოვების გაგრძელების საშუალებას 30 წელზე მეტხანს მისცემს.

წყარო: Reuters