ევროზონაში ბიზნესის დაკრედიტების ზრდა აგვისტოში მცირედით შენელდა

ევროზონის ბიზნესსექტორის დაკრედიტების ზრდა აგვისტოში მცირედით შენელდა, თუმცა შედარებით მაღალ დონეზე შენარჩუნდა. შინამეურნეობების დაკრედიტების ტემპი კი უცვლელი დარჩა, ნათქვამია ევროპის ცენტრალური ბანკის (ECB) პარასკევს გამოქვეყნებულ მონაცემებში.

ECB-ის მონაცემებით, ევროზონის ბიზნესისთვის გაცემული სესხების მოცულობა წლიურად 4.2%-ით გაიზარდა, ივლისში დაფიქსირებული 4.4%-იანი ზრდის შემდეგ. ივლისის მაჩვენებელი 2023 წლის შუა პერიოდის შემდეგ ყველაზე მაღალი იყო.

შინამეურნეობების დაკრედიტების ზრდა აგვისტოში 3.1%-ზე შენარჩუნდა, რაც 2023 წლის დასაწყისის შემდეგ ყველაზე მაღალი მაჩვენებლის ტოლია. ვროზონაში მიმოქცევაში არსებული ფულის ფართო მასის, M3-ის, წლიური ზრდის ტემპი აგვისტოში 3.5%-მდე დაჩქარდა, ივლისის 3.4%-თან შედარებით. მაჩვენებელი Reuters-ის მიერ გამოკითხული ეკონომისტების მოლოდინებს დაემთხვა. European Central Bank

M3, რომელიც ეკონომიკაში ფულის მიმოქცევის ერთ-ერთი მნიშვნელოვანი მაჩვენებელია, ხშირად მომავალ ეკონომიკურ აქტივობაზე შესაძლო მინიშნებად გამოიყენება.