ევროკავშირი Binance-ის საქმიანობით დაინტერესდა

ევროკავშირის მარეგულირებლები Binance-ისგან განმარტებას ითხოვენ, რის საფუძველზე აგრძელებს კომპანია ევროკავშირის მომხმარებლებთან მუშაობას, მიუხედავად იმისა, რომ საქმიანობის ნებართვა ვერ მიიღო.

Financial Times-ის ინფორმაციით, Binance ევროკავშირის წესებში არსებულ გამონაკლისს ეყრდნობა. ამ წესით, ევროკავშირის გარეთ რეგისტრირებულ კომპანიას ზოგიერთ შემთხვევაში შეუძლია ევროპელ კლიენტთან ლიცენზიის გარეშე იმუშაოს, თუ მას თავად მომხმარებელი მიმართავს. მარეგულირებლები ახლა არკვევენ, ნამდვილად ამ წესის ფარგლებში მოქმედებს თუ არა Binance.

ევროკავშირის კრიპტოაქტივების ახალი წესების, MiCA-ს მიხედვით, კრიპტოკომპანიებს ევროკავშირში საქმიანობის გასაგრძელებლად ლიცენზია ივნისის ბოლომდე უნდა მიეღოთ. Binance-ის განაცხადი არ დაკმაყოფილდა, ამიტომ ივლისიდან კომპანიას ევროკავშირის მომხმარებლებთან ჩვეულებრივი წესით მუშაობის გაგრძელება აღარ შეეძლო.

ზოგიერთმა ეროვნულმა მარეგულირებელმა Binance-ს უკვე მოსთხოვა დამატებითი ინფორმაცია. თუ კომპანიის განმარტებები საკმარისი არ აღმოჩნდა, მას შესაძლოა ჯარიმა ან სხვა სანქცია დაეკისროს. Binance აცხადებს, რომ მოქმედ წესებს იცავს და MiCA-ს ლიცენზიის მიღებაზე მუშაობს.

წყარო: Reuters