GM მძღოლების მონაცემებთან დაკავშირებული დავის დასასრულებლად $220 მილიონს გადაიხდის
General Motors 220 მილიონ დოლარს გადაიხდის მძღოლების პირადი მონაცემების გამოყენებასთან დაკავშირებული დავის დასასრულებლად. შეთანხმება აშშ-ის 35 შტატისა და კოლუმბიის ოლქის მოთხოვნებს მოიცავს.
გამოძიების მიხედვით, GM მძღოლის ადგილმდებარეობისა და მართვის სტილის შესახებ ინფორმაციას მონაცემთა კომპანიებს გადასცემდა, ისინი კი ამ მონაცემებს სადაზღვევო კომპანიებზე ყიდდნენ. მიღებული ინფორმაცია ზოგ შემთხვევაში დაზღვევის ფასის განსაზღვრაზეც მოქმედებდა.
საქმე GM-ის Smart Driver პროგრამას ეხება, რომელსაც 2016-2024 წლებში მილიონობით ადამიანი იყენებდა. პროგრამა უსაფრთხო მართვის გასაუმჯობესებელ სერვისად იყო წარმოდგენილი, თუმცა გამოძიების მიხედვით, მომხმარებლების მონაცემები მათი მკაფიო თანხმობის გარეშე იყიდებოდა.
შეთანხმების შემდეგ GM-ს ნაკლები მონაცემის შეგროვება მოუწევს და ინფორმაციის გამოყენებამდე ან მესამე მხარისთვის გადაცემამდე მძღოლის თანხმობა უნდა მიიღოს.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
