Grab-ი Atome Financial-ის 60%-ს $1.49 მილიარდად შეიძენს

Grab-ი Atome Financial-ის 60%-იან წილს $1.49 მილიარდად შეიძენს. გარიგების მიხედვით, Atome-ის ღირებულება 2-დან 4.5 მილიარდ დოლარამდეა შეფასებული. დარჩენილი 40%-ის შეძენა დაახლოებით ორ წელიწადში იგეგმება, საბოლოო ფასი კი იმ დროისთვის კომპანიის შემოსავლებსა და მოგებაზე იქნება დამოკიდებული.

Atome მომხმარებლებს განვადებას, სამომხმარებლო სესხებსა და სხვა ციფრულ ფინანსურ მომსახურებას სთავაზობს. მას საკუთარი განვადების სერვისი უკვე მალაიზიასა და სინგაპურშიც აქვს. Atome-ის შეძენით კი კომპანია ფილიპინებში, ინდონეზიასა და ტაილანდში გაფართოვდება. Grab-ს სამი ციფრული ბანკიც ეკუთვნის, რაც Atome-ს სესხების დაფინანსებას გაუმარტივებს და ხარჯებსაც შეუმცირებს.

Grab-მა 2028 წლის ფინანსური პროგნოზიც გააუმჯობესა და ამჟამად 1.7 მილიარდი დოლარის კორექტირებულ EBITDA-ს (მოგება პროცენტების, გადასახადების, ცვეთისა და ამორტიზაციის ხარჯების გამოკლებამდე) ელოდება. Atome-ის შეძენის შემდეგ კომპანიის ფინანსური სერვისების საკრედიტო პორტფელი, სავარაუდოდ, 6 მილიარდ დოლარს გადააჭარბებს. გარიგება, სავარაუდოდ, 2027 წლის მესამე კვარტალში დასრულდება.

წყარო: Reuters