ხელოვნური ინტელექტის ეპოქაში ახალგაზრდა პროგრამისტების დასაქმება მცირდება

ხელოვნური ინტელექტის გავრცელებამ ყველაზე მეტად კარიერის საწყის ეტაპზე მყოფ სპეციალისტებზე იმოქმედა. Stanford Digital Economy Lab-ისა და ADP-ის კვლევის მიხედვით, პროგრამული უზრუნველყოფის სფეროში 22-დან 25 წლამდე დასაქმებულთა რაოდენობა 4.2 პროცენტით შემცირდა.

კვლევის მიხედვით, ცვლილება ყველა ასაკობრივ ჯგუფზე ერთნაირად არ აისახება. დამწყები პროგრამისტების დასაქმება მცირდება, მაშინ როცა 30 წელს გადაცილებული, უფრო გამოცდილი სპეციალისტების რაოდენობა კვლავ იზრდება.

ხელოვნური ინტელექტი სამუშაოს არა მთლიანი პოზიციების, არამედ კონკრეტული ამოცანების დონეზე ანაცვლებს. შესაბამისად, AI პირველ რიგში იმ მარტივ, რუტინულ ფუნქციებს ითვისებს, რომლებსაც ტრადიციულად დამწყები კადრები ასრულებენ. საინტერესოა, რომ იმავე პერიოდში 30 წელს გადაცილებული და უფრო გამოცდილი დეველოპერების დასაქმების მაჩვენებელი კვლავ იზრდება.

სპეციალისტების განმარტებით, გამოსავალი არა პროფესიის შეცვლაში, არამედ კვალიფიკაციის სწრაფ ამაღლებაშია. მთავარი გამოწვევაა გადასვლა „ავტომატიზაციის“ საფეხურიდან (სადაც AI ადამიანს ანაცვლებს) „შესაძლებლობების ზრდის“ (augmentation) საფეხურზე, სადაც ტექნოლოგია სპეციალისტის დამხმარე ინსტრუმენტი ხდება. ამ პროცესში კრიტიკულად მნიშვნელოვანია გამოცდილ კოლეგებთან მუშაობა და უფრო კომპლექსური უნარების ათვისება, რომელთა ავტომატიზაციაც ამ ეტაპზე შეუძლებელია.

წყარო: Yahoo Finance