ხელოვნური ინტელექტისა და რობოტიკის სექტორის აქციები: Nvidia, Micron, AMD და Tesla

ხელოვნური ინტელექტისა და რობოტიკის სფეროში მოქმედ კომპანიებს შორის Micron Technology-ის აქციები ბოლო ერთი წლის განმავლობაში ყველაზე მეტად, 710.5%-ით გაძვირდა. AMD-ის აქციების ფასი 185%-ით გაიზარდა, Nvidia-სი 11.3%-ით, ხოლო Tesla-ს აქციები 5%-ით გაიაფდა.

კომპანიები სხვადასხვა მიმართულებით მუშაობენ. Micron ხელოვნური ინტელექტის სისტემებისთვის საჭირო მეხსიერების ჩიპებს აწარმოებს, ხოლო Nvidia რობოტებში, ავტონომიურ ავტომობილებსა და სამრეწველო მოწყობილობებში გამოყენებული პროცესორებისა და პროგრამული სისტემების მიმწოდებელია. AMD რობოტიკისა და მონაცემების უშუალოდ მოწყობილობაში დამუშავებისთვის განკუთვნილ ჩიპებს ავითარებს.

Tesla ჰუმანოიდური რობოტების განვითარებაზე აქტიურად მუშაობს, თუმცა კომპანიის აქციები ჩიპების მწარმოებლების მაჩვენებლებს მნიშვნელოვნად ჩამორჩება. ანალიტიკოსების შეფასებით, Micron-ის, Nvidia-სა და AMD-ის აქციების ზრდას ხელოვნური ინტელექტისთვის საჭირო ჩიპებზე მზარდი მოთხოვნა განაპირობებს, ხოლო Tesla-ს შედეგი ჰუმანოიდური რობოტების წარმატებაზე იქნება დამოკიდებული.

წყარო: Investing.com