Marvell Lumentum-ს $115 მილიარდად შეიძენს

Marvell Technology ოპტიკური მოწყობილობების მწარმოებელ Lumentum-ს 115 მილიარდ დოლარად შეიძენს. გარიგების ღირებულებაში Lumentum-ის ვალიც შედის და ეს 2026 წლის ერთ-ერთი ყველაზე დიდი შესყიდვაა.

Lumentum მონაცემთა ცენტრებისთვის ლაზერებსა და სხვა მოწყობილობებს აწარმოებს, რომლებიც ჩიპებს შორის მონაცემების სწრაფ გადაცემას უზრუნველყოფს. ასეთი ტექნოლოგიების მიმართ მოთხოვნა განსაკუთრებით გაიზარდა ხელოვნური ინტელექტის სისტემების განვითარებასთან ერთად. Lumentum-ის შეძენით Marvell ამ ბაზარზე პოზიციებს გაიძლიერებს და Broadcom-ს უფრო აქტიურ კონკურენციას გაუწევს.

Lumentum-ის აქციონერები თითო აქციის სანაცვლოდ Marvell-ის 4.5 აქციას მიიღებენ, შეთავაზებული ფასი Lumentum-ის აქციების წინა საბირჟო ფასს 23.9%-ით აღემატება.

გარიგება 2028 წლის პირველ ნახევარში უნდა დასრულდეს და მარეგულირებლების თანხმობას საჭიროებს. განცხადების შემდეგ ორივე კომპანიის აქციები გაიაფდა, რადგან ინვესტორების ნაწილმა შესყიდვის ფასი ზედმეტად მაღალი მიიჩნია.

წყარო: Reuters