ნავთობის გაიაფებამ საკრუიზო კომპანიების აქციები გააძვირა

ნავთობის ფასების მკვეთრმა შემცირებამ Carnival-ისა და Royal Caribbean-ის აქციების ზრდას შეუწყო ხელი. საწვავი საკრუიზო კომპანიების ერთ-ერთი მთავარი ხარჯია, ამიტომ მისი გაიაფება მათ ფინანსურ შედეგებზე პირდაპირ აისახება.

WTI მარკის ნავთობის ფასი 7%-ით შემცირდა, მას შემდეგ, რაც ბაზარზე აშშ-სა და ირანს შორის შეთანხმების მოლოდინი გაჩნდა. ნავთობის ბარელის ფასი 78.71 დოლარამდე შემცირდა, მაშინ როცა კომპანიების პროგნოზებში დაახლოებით 90 დოლარი იყო გათვალისწინებული.

საწვავის ფასის შემცირებით ყველაზე მეტად Carnival-ი სარგებლობს, რადგან კომპანია ფასის წინასწარ ფიქსაციის მექანიზმს არ იყენებს. შესაბამისად, ნავთობზე ფასის ცვლილება მის ხარჯებზე თითქმის მყისიერად აისახება, თუმცა ბაზარზე არასტაბილურობის გამო, Carnival კვლავ შედარებით სარისკო კომპანიად რჩება.

Royal Caribbean-ს უკეთესი ფინანსური მდგომარეობა და უფრო მაღალი შემოსავლიანობა ახასიათებს, რის გამოც ანალიტიკოსები მას გრძელვადიანი ინვესტიციისთვის შედარებით სანდო არჩევანად მიიჩნევენ, თუმცა, ნავთობის ფასის შემცირებით მიღებული სარგებელი მის ფინანსურ შედეგებში უფრო ეტაპობრივად, თანდათანობით აისახება.

წყარო: Investing.com