Nvidia ხელოვნური ინტელექტის პროექტებისთვის $500 მილიარდამდე ინვესტიციის მოზიდვას გეგმავს

კომპანია Nvidia ხელოვნური ინტელექტის ინფრასტრუქტურის განვითარების მიზნით 500 მილიარდ აშშ დოლარამდე ინვესტიციის მობილიზებას გეგმავს. აღნიშნული ინიციატივა ექვს მსხვილ საინვესტიციო პარტნიორთან თანამშრომლობას ითვალისწინებს. ისინი ცალკე პლატფორმებს შექმნიან, რომელთა საშუალებითაც ხელოვნური ინტელექტისთვის საჭირო ინფრასტრუქტურაში გრძელვადიანი ინვესტიციები განხორციელდება.

Morgan Stanley-ის ანალიტიკოსების შეფასებით, ეს გეგმა კომპანიის აქციებისთვის დადებითი ფაქტორია. ახალი ინვესტიციები კომპანიას ზრდისთვის საჭირო ხარჯების დაფინანსებაში დაეხმარება და შემოსავლის დამატებით წყაროებსაც შექმნის.

პარტნიორები თითოეულ პროექტზე გადაწყვეტილებას ცალ-ცალკე მიიღებენ, Nvidia კი საჭიროების შემთხვევაში ინვესტიციის 25%-მდე დაფინანსებაში ჩაერთვება.

ექსპერტთა ვარაუდით, შემოსავლების 35%-იანმა წილმა 2029 ფისკალური წლისთვის ერთ აქციაზე მოგება შესაძლოა 10%-ზე მეტით გაიზარდოს. Morgan Stanley გარკვეულ ფინანსურ რისკებზეც მიუთითებს, თუმცა Nvidia-ს კვლავ სექტორის მთავარ ფავორიტად ასახელებს. ბანკი აქციების სამიზნე ფასად 288 დოლარს განსაზღვრავს.

მნიშვნელოვანია, აღინიშნოს, რომ 500 მილიარდი დოლარი ამ ეტაპზე მხოლოდ პოტენციურ ინვესტიციას წარმოადგენს და არა სრულად დადასტურებულ დაფინანსებას.

წყარო: Investing.com