Porsche ნაკლები ავტომობილის გამოშვებას გეგმავს

გერმანული ავტომწარმოებელი Porsche წარმოების შემცირებას და თანამშრომელთა ნაწილის გათავისუფლებას გეგმავს. კომპანიაში აცხადებენ, რომ მომავალ წლებში ყურადღებას უფრო მაღალი მოგების მიღებაზე გაამახვილებენ და არა გაყიდვების რაოდენობის ზრდაზე.

კომპანიის ხელმძღვანელობა თანამშრომლებთან მოლაპარაკებებს აწარმოებს ახალი ცვლილებების შესახებ. გეგმის მიხედვით, Porsche 1,900 სამუშაო ადგილს გააუქმებს. გასულ წელს კომპანიამ უკვე 2,000 დროებითი თანამშრომელი დაითხოვა. გადაწყვეტილება 2026 წლის პირველ კვარტალში მოგების შემცირებას უკავშირდება. Porsche-ის შედეგებზე გავლენა მოახდინა საერთაშორისო სავაჭრო ტარიფებმა, გეოპოლიტიკურმა ვითარებამ და გარკვეულ მოდელებთან დაკავშირებულმა პრობლემებმა.

კომპანია წელს გასულ წელთან შედარებით ნაკლები ავტომობილის წარმოებას ელოდება. ამასთან, Porsche Audi-სთან თანამშრომლობის გაღრმავებასაც გეგმავს, თუმცა 718 სერიის მოდელების გაყიდვას გააგრძელებს.

წყარო: Investing.com