რა მოცულობის ნავთობი ტოვებს რეალურად სპარსეთის ყურეს?

ჰორმუზის სრუტეში ნავთობის ტრანზიტის შესახებ განსხვავებული მონაცემები ვრცელდება. აშშ-ის ენერგეტიკის მინისტრის, კრის რაიტის განცხადებით, სრუტიდან დღეში საშუალოდ 9 მილიონი ბარელი ნავთობი გადის, 8 აგვისტოს კი სპარსეთის ყურიდან გატანილმა მოცულობამ 20 მილიონ ბარელს გადააჭარბა.

Kpler-ის მონაცემებით, უშუალოდ ჰორმუზის სრუტიდან დღეში დაახლოებით 4 მილიონი ბარელი ნავთობის ტრანსპორტირება ხდება. კიდევ 7 მილიონამდე ბარელი რეგიონიდან მილსადენებითა და სხვა მარშრუტებით გადააქვთ.

სხვაობის ერთ-ერთი მიზეზი შესაძლოა ის იყოს, რომ თავდასხმების თავიდან ასაცილებლად ბევრი ტანკერი ადგილმდებარეობის გადამცემს თიშავს და მონიტორინგის სისტემებში დროებით აღარ ჩანს.

საკითხი განსაკუთრებით მნიშვნელოვანია, რადგან ომის დაწყების შემდეგ ნავთობის გლობალური მარაგები 1.5-1.9 მილიარდი ბარელით შემცირდა. რაც მეტი ნავთობი გადის რეგიონიდან, მით უფრო ნელა მცირდება არსებული მარაგები.

წყარო: Investing.com