Sandoz-თან შეთანხმების შემდეგ Shanghai Henlius Biotech-ის აქციები გაძვირდა

Shanghai Henlius Biotech-ის აქციების ფასი ორშაბათს 1.2%-ით გაიზარდა და 68.1 ჰონკონგური დოლარი შეადგინა. აღნიშნულს წინ უძღოდა ჩინური ბიოტექნოლოგიური კომპანიის მიერ შვეიცარიულ ფარმაცევტულ კომპანია Sandoz-თან სტრატეგიული თანამშრომლობის გამოცხადება.

შეთანხმების მიხედვით, Sandoz ჩინეთის ფარგლებს გარეთ Henlius-ის მაქსიმუმ 10 პროდუქტის რეგისტრაციისა და გაყიდვის ექსკლუზიურ უფლებას მიიღებს. თანამშრომლობა ონკოლოგიის, აუტოიმუნური და თვალის დაავადებების სამკურნალო პრეპარატებს მოიცავს.

შეთანხმება Henlius-ს საერთაშორისო ბაზრებზე საქმიანობის გაფართოების შესაძლებლობას აძლევს. ამ პროცესში კომპანია Sandoz-ის უკვე არსებულ გაყიდვების ქსელსა და გამოცდილებას გამოიყენებს, რაც ახალი პროდუქტების უცხოურ ბაზრებზე დანერგვას გაამარტივებს.

წყარო: Investing.com