Tencent-ის აქციები შემცირდა, ყურადღება ხელოვნურ ინტელექტში გაზრდილ ხარჯებზეა

ჩინური ტექნოლოგიური კომპანია Tencent-ის აქციების ფასი 1.8%-ით შემცირდა და 438.4 ჰონკონგური დოლარი შეადგინა. მიუხედავად იმისა, რომ მეორე კვარტალში კომპანიის შემოსავალი წლიურად 11%-ით, 204.8 მილიარდ იუანამდე გაიზარდა, ინვესტორების ყურადღება ხელოვნური ინტელექტის მიმართულებით გაზრდილმა ხარჯებმა მიიქცია.

მეორე კვარტალში Tencent-ის საინვესტიციო ხარჯებმა რეკორდულ 52.8 მილიარდ იუანს მიაღწია, რამაც კომპანიის ფულადი რესურსები მნიშვნელოვნად შეამცირა. ინვესტორებისთვის ახლა მთავარი საკითხია, რამდენად სწრაფად აისახება ხელოვნურ ინტელექტში ჩადებული თანხები შემოსავალსა და მოგებაზე. ამ ფონზე Mizuho-მ Tencent-ის აქციების სამიზნე ფასი 610-დან 560 ჰონკონგურ დოლარამდე შეამცირა.

ამავდროულად, სარეკლამო შემოსავლები 22%-ით გაიზარდა, დაჩქარდა ღრუბლოვანი სერვისების განვითარებაც, ხოლო კომპანიის ხელოვნური ინტელექტის მოდელი HY3 მოხმარების მიხედვით გლობალურ რეიტინგში საუკეთესო სამეულში მოხვდა.

წყარო: Investing.com