100 000 მკვლევარი OpenAI-ის უახლეს მოდელებს უფასოდ გამოიყენებს

OpenAI-მ ახალი პროგრამა წარადგინა, რომლის ფარგლებშიც აკადემიურ დაწესებულებებში მომუშავე 100 000 მკვლევარი კომპანიის ხელოვნური ინტელექტის უახლეს მოდელებს უფასოდ გამოიყენებს.

პროგრამა, სახელწოდებით ChatGPT for Academic Researchers, ზაფხულში 10 000 მონაწილით დაიწყება და 2027 წლის განმავლობაში 100 000 მკვლევრამდე გაიზრდება. სერვისი უკვე ხელმისაწვდომია რამდენიმე დაწესებულებაში, მათ შორის Institute for Advanced Study-სა და École normale supérieure-ში.

მონაწილეები GPT-5.6-ის მოდელებს გამოიყენებენ და თითოეულ მკვლევარს საკუთარი დაწესებულებიდან ოთხი თანამშრომლის დამატების შესაძლებლობაც ექნება. OpenAI-ის განცხადებით, სამუშაო სივრცეებში დაცული იქნება მონაცემთა უსაფრთხოება.

კომპანია 2027 წლის ჩათვლით სამეცნიერო კვლევების მხარდასაჭერად 250 მილიონ დოლარზე მეტის გამოყოფას გეგმავს. ამ თანხაში შედის 50 მილიონი დოლარის NextGenAI-ის პროგრამაც, რომელიც კვლევით დაწესებულებებს ეხმარება.

OpenAI-ის მონაცემებით, ყოველ კვირას დაახლოებით 1.3 მილიონი ადამიანი ChatGPT-ს რთული სამეცნიერო და მათემატიკური ამოცანებისთვის იყენებს. კომპანია მკვლევრებს სპეციალურ სწავლებასა და კვლევით საქმიანობაში გამოცდილი სპეციალისტების დახმარებასაც შესთავაზებს.

წყარო: Investing.com