ამერიკული ჯგუფი ლუკოილის $22-მილიარდიანი აქტივების შეძენას გეგმავს
ამერიკელი მილიარდერის, ტოდ ბოჰლის ხელმძღვანელობით შექმნილი ჯგუფი ლუკოილის უცხოური აქტივების შეძენაზე მუშაობს. საუბარია ევროპაში, ახლო აღმოსავლეთსა და აფრიკაში მდებარე ნავთობის საბადოებზე, გადამამუშავებელ ქარხნებსა და ბენზინგასამართ სადგურებზე, რომლებიც თავდაპირველად დაახლოებით 22 მილიარდ დოლარად იყო შეფასებული.
ჯგუფის სახელით მოქმედმა ბანკმა დასავლურ ფონდებში გაყინული ლუკოილის ფასიანი ქაღალდები უკვე შეიძინა, თანაც მათი თავდაპირველი ღირებულების დაახლოებით 30%-ად. გეგმის მიხედვით, ამ ფასიანი ქაღალდების სანაცვლოდ ჯგუფი ლუკოილის უცხოურ აქტივებს მიიღებს.
ჯგუფში არაბთა გაერთიანებული საამიროების რამდენიმე კომპანია და აშშ-ის საერთაშორისო განვითარების საფინანსო კორპორაციაც მონაწილეობენ. შეთანხმება შესაძლოა რამდენიმე კვირაში გაფორმდეს.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
