ევროზონაში ინფლაცია 4%-მდე გაიზარდა

ევროზონაში წლიურმა ინფლაციამ ოქტომბერში 4%-ს მიაღწია, სექტემბერში კი 3.8% იყო. ეს ბოლო სამი წლის ყველაზე მაღალი მაჩვენებელია. ფასების ზრდაზე ყველაზე მეტად ენერგიისა და საკვების გაძვირებამ იმოქმედა.

ენერგია ერთი წლის განმავლობაში 20%-ით გაძვირდა, დაუმუშავებელი საკვები კი 4.6%-ით. ენერგიისა და საკვების გარეშე ინფლაცია 2.5% იყო, მომსახურების სფეროში კი ფასები 3.3%-ით გაიზარდა.

ევროპის ცენტრალურმა ბანკმა გასულ კვირას ძირითადი განაკვეთი 2.5%-ზე დატოვა, თუმცა ოქტომბერში ინფლაციის ზრდის შემდეგ ბაზარზე მოლოდინი გაჩნდა, რომ ბანკი დეკემბერში განაკვეთს გაზრდის.

ბანკის ვარაუდით, ინფლაცია 2027 წლის პირველი ნახევრის დიდ ნაწილშიც 4%-ზე მაღლა დარჩება და მხოლოდ ამის შემდეგ დაიწყებს შემცირებას.

წყარო: Reuters