Anthropic-ისთვის საჭირო ჩიპების შეძენას $63 მილიარდით დააფინანსებენ

Bank of America, Citigroup, Morgan Stanley და Blackstone Anthropic-ისთვის Broadcom-ის ჩიპებისა და ქსელური მოწყობილობების შეძენას 63 მილიარდ დოლარამდე დააფინანსებენ. ეს ხელოვნურ ინტელექტთან დაკავშირებული ერთ-ერთი ყველაზე დიდი საკრედიტო გარიგება იქნება.

გარიგებისთვის ცალკე კომპანია შეიქმნება, რომელიც Broadcom-ის მოწყობილობებს შეიძენს და შემდეგ Anthropic-ს იჯარით გადასცემს. მიწოდება 2027 წლიდან დაიწყება.

საერთო თანხიდან დაახლოებით 43.5 მილიარდ დოლარს Bank of America, Citi და Morgan Stanley გასცემენ. დაფინანსების დარჩენილ ნაწილში Blackstone-იც მიიღებს მონაწილეობას.

Broadcom კრედიტორებს დამატებით გარანტიასაც სთავაზობს იმ შემთხვევისთვის, თუ შეძენილი მოწყობილობები მომავალში მნიშვნელოვნად გაუფასურდება. Moody’s-ის შეფასებით, მოკლე პერიოდში რამდენიმე ასეთი მსხვილი გარიგების გაფორმებამ შესაძლოა Broadcom-ის ფინანსური რისკები გაზარდოს.

წყარო: Reuters