აშშ-ის მარეგულირებელი Hims & Hers-ს მომხმარებელთა ჯანმრთელობის მონაცემების გაზიარებას ედავება

აშშ-ის ფედერალური სავაჭრო კომისია Hims & Hers-ის წინააღმდეგ სარჩელს ამზადებს. უწყების მტკიცებით, ონლაინ სამედიცინო პლატფორმა მომხმარებლებს კონფიდენციალურობის დაცვას ჰპირდებოდა, თუმცა მათ ჯანმრთელობასთან დაკავშირებულ ინფორმაციას სარეკლამო კომპანიებს, მათ შორის Meta-სა და Snap-ს უზიარებდა.

კომისიის ინფორმაციით, Hims & Hers მომხმარებლების მონაცემებს ვებსაიტზე მათი აქტივობისა და სპეციალური თვალთვალის ტექნოლოგიების საშუალებით აგროვებდა და სარეკლამო კომპანიებს უზიარებდა.

უწყება Hims & Hers-ს გადახდის წესების გამოც ედავება. მისი ინფორმაციით, კომპანია მომხმარებლებს წამლის საფასურს ექიმთან კონსულტაციამდე ახდევინებდა. ხშირ შემთხვევაში მომხმარებელი მხოლოდ კითხვარს ავსებდა, რის შემდეგაც თანხა მალევე ეჭრებოდა.

სარჩელში ასევე საუბარი იქნება გამოწერის გაუქმების სირთულეზე. საქმეს ფედერალურ სავაჭრო კომისიასთან ერთად ლოს-ანჯელესის ოლქი და იუტას შტატიც უერთდებიან.

Hims & Hers ონლაინ სამედიცინო მომსახურების ერთ-ერთი მსხვილი პლატფორმაა. კომპანია მომხმარებლებს წონის დასაკლებ, თმის ცვენის და ფსიქიკური ჯანმრთელობის სამკურნალო პრეპარატებს სთავაზობს.

წყარო: Investing.com