აშშ-ის სენატმა კრიპტობაზრის რეგულირების კანონპროექტი დაბლოკა

აშშ-ის სენატმა CLARITY Act-ის განხილვის გაგრძელებას მხარი არ დაუჭირა. კანონპროექტი ციფრული აქტივებისთვის ერთიანი მარეგულირებელი ჩარჩოს შექმნას ითვალისწინებს და მისი მიღება ამერიკული კრიპტოინდუსტრიისთვის ერთ-ერთი ყველაზე მნიშვნელოვანი საკანონმდებლო ცვლილება იყო.

პროცედურულ კენჭისყრაზე კანონპროექტს 49 სენატორმა დაუჭირა მხარი, 50 კი წინააღმდეგ წავიდა. განხილვის გასაგრძელებლად 60 ხმა იყო საჭირო.

კანონპროექტს უნდა განესაზღვრა, როგორ ნაწილდება ციფრული აქტივების ზედამხედველობა აშშ-ის ფასიანი ქაღალდებისა და ბირჟების კომისიასა და სასაქონლო ფიუჩერსებით ვაჭრობის კომისიას შორის. საკითხზე შეთანხმებას რამდენიმე თვეა ხელს უშლის უთანხმოება სტეიბლკოინების, საბანკო სექტორისა და საჯარო თანამდებობის პირების კრიპტოაქტივებთან დაკავშირებულ წესებზე.

წყარო: Yahoo Finance