ირანი აშშ-ს ჰორმუზის სრუტის ორ დღეში გახსნას სთავაზობს
ირანი აცხადებს, რომ მზადაა ჰორმუზის სრუტეში გემების მოძრაობა ორ დღეში აღადგინოს, თუ აშშ მის პირობებს დათანხმდება. ირანის საგარეო საქმეთა მინისტრ აბას არაღჩის თქმით, თავდაპირველად განხილული შვიდდღიანი გეგმის ნაცვლად, ამერიკულმა მხარემ შეთანხმებული ნაბიჯები პირველივე დღეს უნდა გადადგას, ნაოსნობა კი მეორე დღეს აღდგება.
თეირანი სანქციების შემსუბუქებას, გაყინული თანხების დაბრუნებასა და ნავთობის გაყიდვაზე შეზღუდვების შემცირებას ითხოვს. მოთხოვნებში ასევე შედის ომანთან შეთანხმებული საზღვაო მარშრუტის აღიარება და რეგიონში ამერიკული სამხედრო ძალების შემცირება.
დონალდ ტრამპის თქმით, მოლაპარაკებები წინ მიიწევს, თუმცა ახალი სამხედრო დარტყმების შესაძლებლობაც კვლავ რჩება. აშშ-სა და ირანს შორის პირდაპირი შეხვედრა ამ ეტაპზე არ იგეგმება და მხარეებს შორის ყატარი შუამავლობს.
ჰორმუზის სრუტეში მდგომარეობა კვლავ დაძაბულია. ირანის ცნობით, ერთ-ერთი ტანკერი ნაღმთან შეჯახების შემდეგ დაიწვა, ხოლო აშშ-ის ბლოკადის გამო 144 კომერციულ გემს მარშრუტის შეცვლა მოუწია. სრუტეში მოძრაობის აღდგენას ნავთობისა და გაზის მსოფლიო მიწოდებისთვის დიდი მნიშვნელობა ექნება.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
