პორტუგალია Galp-ში სახელმწიფო წილის გაზრდას განიხილავს
პორტუგალიის მთავრობა ნავთობკომპანია Galp Energia-ში საკუთარი 8%-იანი წილის გაზრდას განიხილავს. აღნიშნული საკითხი განსაკუთრებით მას შემდეგ გააქტიურდა, რაც კომპანიისა და ესპანური Moeve-ს ნავთობგადამამუშავებელი საწარმოების გაერთიანებაზე მოლაპარაკებები ჩაიშალა.
გეგმა Galp-ის სინეშის ქარხნის Moeve-ს ორ ესპანურ საწარმოსთან გაერთიანებას ითვალისწინებდა. სინეში პორტუგალიაში ერთადერთი ნავთობგადამამუშავებელი ქარხანაა და ქვეყნის ენერგეტიკული უსაფრთხოებისთვის მნიშვნელოვანი ობიექტია.
მოლაპარაკებები აშშ-ირანის ომით გამოწვეული გაურკვევლობის ფონზე შეწყდა. კონფლიქტის შემდეგ ნავთობგადამამუშავებელი ქარხნების ღირებულება გაიზარდა, რამაც გარიგების პირობებზე შეთანხმება გაართულა.
პორტუგალიის ეკონომიკის მინისტრ მანუელ კასტრო ალმეიდას თქმით, სახელმწიფო Galp-ში დამატებითი აქციების შეძენას განიხილავს. მთავრობამ ცოტა ხნის წინ ენერგეტიკულ კომპანია REN-შიც გაზარდა საკუთარი წილი. სახელმწიფო ჰოლდინგმა Parpublica-მ კომპანიაში 5.3% შეიძინა, რის შემდეგაც მთავრობის წილი 19%-მდე გაიზარდა.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
