აშშ-ში ტოკენიზებული აქციებით ვაჭრობისთვის ახალი წესები ამოქმედდება

აშშ-ის ფასიანი ქაღალდებისა და ბირჟების კომისიამ ტოკენიზებული აქციებით ვაჭრობის ახალი წესები წარადგინა. SEC გარკვეულ პლატფორმებს ხუთი წლის განმავლობაში იმ რეგულაციების სრულად დაცვას არ მოსთხოვს, რომლებიც ჩვეულებრივ Nasdaq-ისა და NYSE-ის მსგავსი საფონდო ბირჟებისთვის მოქმედებს.

ტოკენიზებული აქცია ჩვეულებრივი კომპანიის აქციის ციფრული ვერსიაა, რომელიც ბლოკჩეინზე იყიდება. SEC-ის წესებით, ასეთმა აქტივმა მფლობელს იგივე ძირითადი უფლებები უნდა მისცეს, რასაც ჩვეულებრივი აქცია, მათ შორის დივიდენდის მიღებისა და კენჭისყრაში მონაწილეობის უფლება.

პლატფორმას კომპანიის აქციის ტოკენიზებული ვერსიის დამატებამდე თავად კომპანიის ინფორმირება მოუწევს. თუ კომპანია წინააღმდეგი იქნება, მისი აქციის ტოკენიზებული ვერსიის შეთავაზება აიკრძალება. ახალი რეჟიმი არ გავრცელდება ისეთ სინთეზურ პროდუქტებზე, რომლებიც მხოლოდ აქციის ფასს იმეორებს.

Coinbase-მა უკვე განაცხადა, რომ შესაბამისი წესების არსებობის შემთხვევაში აშშ-ში ტოკენიზებული აქციების შეთავაზება სურს. Robinhood და Kraken მსგავს პროდუქტებს სხვა ქვეყნებში უკვე სთავაზობენ მომხმარებლებს.

წყარო: Yahoo Finance