Atlantic City-ის კაზინოებს ხელოვნური ინტელექტით ფასების ხელოვნურად გაზრდას ედავებიან
აშშ-ის სააპელაციო სასამართლოს გადაწყვეტილებით, Atlantic City-ის რამდენიმე მსხვილი კაზინოს წინააღმდეგ შეტანილი სარჩელის განხილვა გაგრძელდება.
მოსარჩელეების მტკიცებით, რამდენიმე კაზინო სასტუმროს ნომრების ფასებს ერთი და იმავე პროგრამით ითვლიდა, რაც, მათი შეფასებით, ფასების ხელოვნურ ზრდას იწვევდა.
სარჩელის თანახმად, კაზინოები კომპანია Cendyn-ს სასტუმროების ფასებსა და სხვა მონაცემებს აწვდიდნენ. ამის შემდეგ Cendyn-ის პროგრამა Rainmaker ამ ინფორმაციას ამუშავებდა და სასტუმროებს ფასების შეცვლას ურჩევდა.
სააპელაციო სასამართლომ მიიჩნია, რომ ამ გარემოებების შესასწავლად საკმარისი საფუძველი არსებობს. საქმეში Caesars Entertainment, MGM Resorts და Hard Rock ფიგურირებენ. ქვედა ინსტანციის სასამართლომ სარჩელი 2024 წელს არ დააკმაყოფილა , თუმცა, სააპელაციო სასამართლოს გადაწყვეტილების შემდეგ, მოსარჩელეები პროგრამის მუშაობის შესახებ დამატებით მასალებს მოიპოვებენ.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
