Binance-ზე კიბერთავდასხმის შემდეგ განთავსებული აქტივები $3.64 მილიარდით შემცირდა
Binance-ის მომხმარებლებმა პლატფორმიდან 3.64 მილიარდი დოლარი გამოიტანეს. ეს ბირჟაზე არსებული აქტივების დაახლოებით 2.1%-ია. კომპანიის ცნობით, თავდაპირველად თანხის გადინება მკვეთრი იყო, თუმცა მალევე შემცირდა და ჩარიცხვებიც გაგრძელდა.
კიბერთავდასხმის შედეგად Binance-დან დაახლოებით 6.3 მილიარდი დოლარის კრიპტოაქტივები მოიპარეს. კომპანიამ დაკარგული თანხის 95% უკვე შეავსო და მომხმარებლებს ბიტკოინის, ეთერისა და რამდენიმე სხვა კრიპტოვალუტის გატანის საშუალება მისცა. დარჩენილი ნაწილი ისეთ მონეტებზე მოდის, რომლებითაც ბაზარზე შედარებით მცირე მოცულობით ვაჭრობენ, ამიტომ მათი საჭირო რაოდენობით შეძენას მეტი დრო სჭირდება.
FBI თავდასხმას ჩრდილოეთ კორეასთან დაკავშირებულ TraderTraitor-ის ჯგუფთან აკავშირებს. გამოძიების მიხედვით, ჰაკერებმა ძირითადი ოპერაცია დაახლოებით 20 წუთში ჩაატარეს.
Binance აცხადებს, რომ მომხმარებლების ზარალს თავად დაფარავს. ამისთვის კომპანია საკუთარ თანხებს, სადაზღვევო ფონდსა და რეზერვებს გამოიყენებს.
პლატფორმას 335 მილიონი მომხმარებელი ჰყავს და მასზე დაახლოებით 171 მილიარდი დოლარის აქტივებია განთავსებული.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
