ხელოვნური ინტელექტი ბრიტანეთის შრომის ბაზარს ორ ნაწილად ყოფს
ბრიტანეთის შრომის ბაზარზე სულ უფრო მკაფიოდ იკვეთება ახალი ტენდენცია. ხელოვნური ინტელექტის განვითარებასთან ერთად კომპანიები გამოცდილ ტექნოლოგიურ სპეციალისტებს უფრო აქტიურად ეძებენ, ხოლო დამწყები და რუტინულ სამუშაოებთან დაკავშირებული პოზიციების რაოდენობა მცირდება.
Indeed-ის მონაცემებით, ქვეყანაში გამოქვეყნებული ვაკანსიების რაოდენობა 2025 წლის იანვართან შედარებით დაახლოებით 10%-ით შემცირდა. ამის მიზეზად დასაქმების ხარჯების ზრდა და ეკონომიკური გაურკვევლობა სახელდება. ამავე პერიოდში პროგრამული უზრუნველყოფის სფეროში ვაკანსიები 14%-ით გაიზარდა, თუმცა ზრდა ძირითადად ხელოვნურ ინტელექტთან დაკავშირებულ სამუშაოებზე მოდის.
კომპანიები ხელოვნურ ინტელექტს სულ უფრო ხშირად იყენებენ რუტინული სამუშაოებისა და დამწყები თანამშრომლებისთვის განკუთვნილი ამოცანების შესასრულებლად. შედეგად, სამსახურის პოვნა განსაკუთრებით რთულდება კურსდამთავრებულებისთვის, პროფესიის შეცვლის მსურველებისა და მათთვის, ვისაც სამუშაო გამოცდილება ჯერ არ აქვს.
ბრიტანეთში ახალგაზრდული უმუშევრობა ბოლო ათწლეულის ყველაზე მაღალ დონეზეა. კომპანიები არსებულ თანამშრომლებს ინარჩუნებენ, მაგრამ ახალი კადრების აყვანას თავს არიდებენ, რის გამოც ახალგაზრდებსა და სამუშაო გამოცდილების არმქონე ადამიანებს ბაზარზე დამკვიდრება კიდევ უფრო უჭირთ.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
