კოკა-კოლას აქციები ზრდას განაგრძობს

2026 წელს Coca-Cola-ს აქციების ფასი 18%-ით გაიზარდა, რაც საფონდო ბაზრის საშუალო მაჩვენებელს თითქმის ორჯერ აღემატება. გასულ ხუთშაბათს კომპანიამ მორიგ ისტორიულ მაქსიმუმს მიაღწია, მიუხედავად ამისა, ანალიტიკოსები მიიჩნევენ, რომ ინვესტირებისთვის გვიანი არც ახლაა.

Coca-Cola-ს ფინანსური შედეგები სტაბილურად უმჯობესდება. კომპანიამ ხარჯების ნაწილი ადგილობრივ დისტრიბუტორებზე გადაიტანა, რამაც მოგების მარჟა 27.8%-მდე გაზარდა. ეს ბოლო 15 წლის საუკეთესო მაჩვენებელია. მარტივად რომ ვთქვათ, ყოველი 100 დოლარის შემოსავლიდან კომპანიას 27.80 დოლარი წმინდა მოგებად რჩება.

Coca-Cola-ს ბიზნესმოდელი ეკონომიკური რყევების მიმართ საკმაოდ მდგრადია. კომპანიის პროდუქცია შედარებით ხელმისაწვდომ კატეგორიაში რჩება, რის გამოც მომხმარებლები მას ინფლაციის პერიოდშიც ხშირად ყიდულობენ. სწორედ ამ სტაბილურობის გამო Coca-Cola-მ დივიდენდები ზედიზედ 64 წლის განმავლობაში გაზარდა. ამჟამად აქციების დივიდენდური სარგებელი 2.6%-ს შეადგენს, ხოლო ანალიტიკოსები ვარაუდობენ, რომ კომპანიის აქციების ზრდა მომავალშიც შეიძლება გაგრძელდეს.

წყარო: Yahoo Finance