Nike ჩინეთში გაყიდვების სტრატეგიას ცვლის

Nike ჩინეთში პარტნიორი კომპანიების მეშვეობით გაყიდვებს ამცირებს. კომპანიის მიზანია, ხშირი ფასდაკლებები შეზღუდოს, ბრენდის პოზიციები გააძლიეროს და გაყიდვებიდან მიღებული მოგება გაზარდოს. ცვლილების გამო Nike-მა შესაძლოა დაახლოებით 1 მილიარდი დოლარის შემოსავალი დაკარგოს.

Bernstein-ის ანალიტიკოსების შეფასებით, 2027 ფისკალური წლისთვის კომპანიის საოპერაციო მოგების წილი ჩინეთში 24%-მდე გაიზრდება. 2027 წლის იანვრიდან Nike-ის პროდუქცია ონლაინ მხოლოდ კომპანიის ოფიციალურ ვებგვერდზე, აპლიკაციასა და Tmall-ის, JD.com-ისა და Douyin-ის ოფიციალურ მაღაზიებში გაიყიდება.

კომპანია თანამშრომლობას წყვეტს იმ ონლაინ გამყიდველებთან, რომლებიც პროდუქციას დიდი ფასდაკლებით სთავაზობდნენ მომხმარებლებს. Nike-ში მიიჩნევენ, რომ ამ პრაქტიკამ ბრენდის იმიჯი დააზიანა და არაოფიციალური გაყიდვების ზრდას შეუწყო ხელი.

ანალიტიკოსების აზრით, ახალი მოდელი მოგებას გაზრდის, თუმცა დაკარგული გაყიდვების სრულად აღდგენა რთული იქნება. დაბალ ფასზე ორიენტირებული მომხმარებლების ნაწილი შესაძლოა Adidas-ს ან ადგილობრივ ბრენდებს, Anta-სა და Li Ning-ს მიემხროს.

Nike-ის წილი ჩინეთის ბაზარზე 2020 წლის შემდეგ 27%-დან 16%-მდე შემცირდა. Bernstein-ის შეფასებით, კომპანიის პოზიციები 2028 წლიდან თანდათან გამყარდება.

წყარო: Investing.com