Novo Nordisk-მა ახალი მედიკამენტების შესაქმნელად $1.4-მილიარდიანი შეთანხმება გააფორმა

Novo Nordisk-მა დანიურ ბიოტექნოლოგიურ კომპანია Orbis Medicines-თან $1.4 მილიარდამდე ღირებულების შეთანხმება გააფორმა. კომპანიები გულ-სისხლძარღვთა და ნივთიერებათა ცვლასთან დაკავშირებული დაავადებებისთვის ახალი მედიკამენტების შექმნაზე იმუშავებენ. მთავარი მიზანი ისეთი პრეპარატების შემუშავებაა, რომელთა მიღებაც აბის სახით იქნება შესაძლებელი.

შეთანხმების მიხედვით, Orbis წინასწარ და პროექტის სხვადასხვა ეტაპის დასრულების შემდეგ დამატებით თანხას მიიღებს. კომპანია მომავალში შექმნილი მედიკამენტების გაყიდვებიდანაც მიიღებს შემოსავლის გარკვეულ ნაწილს. კონკრეტულად როგორ ნაწილდება შესაძლო $1.4 მილიარდი, მხარეებს არ დაუკონკრეტებიათ.

Novo Nordisk Orbis-ში პირდაპირ ინვესტიციასაც განახორციელებს. თანხის ოდენობა არ გასაჯაროებულა. კომპანიები Orbis-ის nGen ტექნოლოგიას გამოიყენებენ. ის ხელოვნური ინტელექტის დახმარებით ისეთი მოლეკულების მოძებნაზე მუშაობს, რომლებმაც ზოგიერთი საინექციო პრეპარატი მომავალში შესაძლოა აბით ჩაანაცვლოს. Orbis კერძო კომპანიაა და კოპენჰაგენში მდებარეობს.

წყარო: Yahoo Finance